Kryeministri Edi Rama po zhvillon një vizitë dy ditore në Turqi, me ftesë të Presidentit Rexhep Taip Erdogan.
Në fjalën e tij gjatë konferencës për shtyp, Rama prezantoi disa nga marrëveshjet që u firmosën sot me presidentin turk.
Ai tha se Erdogan ka deklaruar se do të bëjë spitalin rajonal të Fierit brenda 3 muajve, një bast shumë i fortë sipas kreut të qeverisë, teksa pati edhe disa batuta.
Edi Rama: “Disa ndërhyrje në turizëm, shëndetësi dhe arsim dhe besoj se është lajm i shkëlqyeshëm që një universitet si ITU do jetë prezent në Shqipëri, jam i lumtur që spitali rajonal i Fierit do jetë realitet, bastet në Turqi dhe Shqipëi janë të ndaluara me ligj, nuk mund të vinim bast, por basti i presidenti që të jetë gati për 3 muaj është një bast shumë i fort, unë do e kisha humbur me qejf këtë rast, po dhe shans për ta fituar, duke qenë se turqit dhe shqiptarët te zbatimi i poshtë duhet t’i shtysh”.
I menjëhershëm ishte reagimi i presidentit Erdogan.
Rexhep Taip Erdogan: “Mos të ketë merak, në Stamboll kemi ndërtuar 2 spitale me nga 1008 dhoma brenda pak kohe, duke qenë se do jetë më pak dhoma është një grimcë për ne. Përjashto që do i pajisim dhe me aspektin teknik. Dhe në spitalet tona ka nga 18 salla operacioni, këtu mund të jetë më i ulët dhe nuk do kemi vështirësi dhe mjekësia jonë do të dërgojë edhe mjekë që të trajtojë stafin shqiptar që do punoj në Fier. Brenda një kohe të shkurtër spitali do ofrojë shërbimin. Brenda zgjedhjeve e ke gati’’.
