Pas vendimit të Kolegjit Zgjedhor për të lënë në fuqi 30 qershorin si datë të zgjedhjeve, ka pasur reagime të shumta nga politikanë dhe jo vetëm.
Fillimisht reagoi zëdhënësi i presidentit Ilir Meta përmes një statusi në Facebook, ku theksonte se nuk është suprizuar aspak “nga skeçi i radhës, i orkestruar prej kohësh”. Zëdhënësja e qeverisë Elisa Spiropali i është kundërpërgjigjur zëdhënësit të Presidentit Ilir Meta, Tedi Blushi, duke shkruar në Twitter se Kreu i Shtetit po bën viktimën.
“Ai momenti kur Ilir Meta nuk ndikon dot më mbi trupin gjykues dhe flet për skeç të orkestruar, fiks si ai momenti kur agresori bën viktimën duke folur për kurth të organizuar nga viktima”, shkruan Spiropali.
