Si sot, 108 vjet më parë, u nda nga jeta veprimtari dhe luftëtari i lëvizjes për çlirim kombëtar, Spiro Bellkameni.
Qysh në moshë të re mori pjesë në çetat që luftonin kundër pushtetit osman. Ai mori pjesë në luftën kundër turqve në “Orman Çiflik”, më 29 dhe 30 korrik të vitit 1911.
Në verë të vitit 1912, mori pjesë në mbledhjen e çetave çlirimtare të jugut në fshatin Frashër. U vra në pabesi nga forcat turke, më 14 tetor të vitit 1912, në fshatin Neveskë afër Follorinës.
Në imazhin ilustrues paraqitet një njoftim i gazetës ‘‘Shqipëria e Re’’, që botohet në Rumani, e cila ka hapur një fushatë për mbledhjen e fondeve, për ngritjen në Korçë të monumentit të Spiro Bellkamenit.
