Manchester United është fitues i supersfidës së zhvilluar në “Old Trafford”, përballë Chelseas me rezultatin 2-1. Një ndeshje spektakolare dhe me raste pa fund për të dyja skuadrat, por në fund ata që festuan ishin “Djajtë e kuq”.
Që në start të ndeshjes të dyja skuadrat hidhen në sulm dhe rastin e parë të rrezikshëm e ka Chelsea me Hazard që në minutën e 4’, por fillimisht Morata ndalet nga shtylla e më pas De Gea anulon Hazardin. Ishte Willian ai që zhbllokoi rezultatin për miqtë pas një aksioni personal i ndihmuar nga vizioni magjik i Eden Hazard.
Braziliani merr topin nga gjysmëfusha e tij, pason për Hazard i cili pasi e kontrollon në mënyrë fantastike ia rikthen topin Willian që lëshon një predhë të pakapshme edhe për një portieri si De Gea.
United hidhet i gjithi në sulm dhe vetëm pas 7’ minutash Romelu Lukaku gjenë golin e barazaimit, pas një kombinimi mjaft të mirë në zonë me Martial. Ky ishte goli i parë që Lukaku i ka shënuar një skuadre të Top 8 këtë sezon.
Pas pushimit skuadra më e mirë në fushë ishte United dhe Jesse Lingard, i futur në pjesën e dytë, ka treguar klasin e tij pas krosit të Lukaku-t duke dërguar topin në rrjetë me një goditje me kokë. Chelsea mundohet të reagojë në minutat e mbetura po United me menaxhoi mirë ndeshjen. Një ndeshje e bukur, dhe në fund, ashtu si në fillim, të dy trajnerët i kanë dhënë dorën njëri-tjetrit duke treguar se është rikthyer paqja.
