Roma dhe Atalanta kanë zhvilluar një ndeshje spektakolare në “Olimpico” e cila ka përfunduar në barazim 3-3. Ishin verdhekuqtë që zhbllokuan ndeshjen sapo kishte filluar me një “perlë” nga Pastore, i cili realizon një gol me thembër.
Por Atalanta nuk dorëzohet dhe hidhet në sulm, Castagne ndodhet në vendin e duhur në momentin e duhur në minutën e 19’ pasi topi i goditur nga Zapata përplaset në shtyllë dhe më pas është ai që e dërgon në rrjetë.
Ndërsa Rigoni shënon një dopietë pa përfunduar akoma pjesa e parë dhe Roma befasisht ndodhet në një disavantazh të dyfishtë sa hap e mbyll sytë.
Pas pushimit skuadra e Di Francesco-s mundohet të reagojë dhe ia arrin me Florenzi-n në minutën e 60’, ndërkohë që ka shumë kohë në dispozicion për të përmbysur gjithçka. Por minutat kalojnë dhe Atalanta mbrohet mirë. Por Roma e surprizave arrin të barazojë në minutën e 82’ me Manolas i cili shfrytëzon më së miri një kros në shtyllën e dytë.
