Spanja vijon të shënojë përmirësime në bilancin ditor të rasteve të reja dhe viktimave nga koronavirusi.
Në 24c orët e fundit, në Spanjë janë shënuar 123 viktima, 20 më pak se dje ku u regjistruan 143 persona të vdekur.
Kështu shkon në 26,744 numri total i njerëzve që kanë humbur jetën nga COVID-19 në Spanjë.
Ndërkohë një ulje e ndjeshme evidentohet edhe në numrin e rasteve të reja të konfirmuara. Gjatë 24 orëve të fundit janë shënuar 373 raste infektimi, numri më i vogël ky prej një kohe të gjatë.
Me më shumë se 227 mijë raste infektimi, Spanja vijon të mbajë vendin e dytë në botë për numrin më të madh të rasteve me koronavirus.
Edhe numri i të shëruarve është rritur dhe ka kaluar shifrën e 137 mijë personave.
Ditën e sotme, Spanja lejon një hapje në bazë të rajoneve. Ishujt, si Majorka, e rajone të tjera fillojë me fazën e parë të normalizimit. Hotelet, baret, restorantet hapen.
Më shumë se 4,2 milionë njerëz nga e gjithë bota janë prekur nga koronavirusi, ndërsa mbi 284 mijë persona kanë humbur jetën.
