Përfundojnë dy ndeshjet të grupit E. Spanja e ka kthyer në stërvitje ndeshjen me Sllovakinë, duke triumfuar me rezultatin e thellë 5-0. Skudra e drejtuar e Luis Enrikes shpërdoroi një rast të artë, në minutën e 12, nga pika e bardhë e penalltisë.
Pasi arbitri fillimisht akordoi faull për Sllovakinë, më pas i thërritur nga VAR, në monitor vendosi se ishte faull ndaj Koke dhe akordoi 11-të metërsh. Nga pika e bardhë u paraqit sulmuesi më i kritikuar i Spanjës, Alvaro Morata, por portieri Dubravka kreu një superpritje.
Në sekondat e fundit të pjesës së parë, Spanja dyfishoi shifrat, duke shkuar e qetë në dhomat e zhveshjes. Iberikët gjetën golin e dytë, pas një këmbëngulje të Morenos, që harkoi bukur për Laporte brenda zonës, dhe goditi saktë me kokë, duke realizuar golin e qetësisë.
Sarabia shënoi golin e tretë për Spanjën në minutën e 57. Një aksion i orkestuar bukur nga iberikët, që gjeti finalizimin e futbollistit të PSG.
Nga aty erdhi më pas, goleada iberike me Laporte, Sarabia, Ferran Torres (gol me thembër) dhe autogoli i Kuçka.
Por, vëmendjen e mori edhe një veprim i bukur i kameramanit përtej vijës së fushës.
Një top që i erdhi teksa po xhironte, e ka kthyer me kokë te lojtari i Sllovakisë, që priste të ekzekutonte rivënien anësore.
Në ndeshjen tjetër, Suedia ka nxjerrë nga gara Poloninë, duke e mundur me rezultatin 3-2. Kanë mjaftuar dy minuta lojë, që në Shën Petërsburg, që ndeshja të zhbllokohej. Skandinavët gjetën rrjetën me Emil Forsberg, që përfitoi edhe nga një ngatërresë e mbrojtjes.
Ekipi skandinav gjeti edhe golin e dytë në minutën e 59, sërish me Forsberg. Një ikje e bukur nga krahu për Kulusevski, që asistoi për Forsbeg, i cili nuk fali. Në minutën e 61, Robert Levandovski gjeti rrjetën pas mallkimit me dy tranversa në pjesën e parë. Në minutën e 84, Levandovski barazoi shifrat, duke realizuar edhe dopietën e tij personale.
Pse rrogat rriten në letra, por varfëria rritet në realitet?
