Spanja ka paralajmëruar se nuk do të jetë në gjendje të evakuojë të gjithë afganët që kanë shërbyer në misionet spanjolle, ose kanë punuar me qeverinë e saj, për shkak të situatës “dramatike” në terren.
“Ne do të evakuojmë sa më shumë njerëz të jetë e mundur, por ka njerëz që do të qëndrojnë prapa, për arsye që nuk varen nga ne, por nga situata atje”, tha ministrja e Mbrojtjes, Margarita Robles, gjatë një interviste me radio “Cadena Ser”.
Qëndrimi në fjalë vjen pasi homologu i saj në Mbretërinë e Bashkuar, Ben Wallace, lëshoi një paralajmërim të ngjashëm, duke i thënë BBC -së se jo të gjithë do të evakuoheshin para afatit të 31 gushtit, të rënë dakord me talebanët.
Burimi i lajmit: BBC. Përshtatur nga Tirana Today