Detaje të reja janë hedhur në dritë, lidhur me arrestimin e pedagogut Alket Dino, i cili akuzohet për mitmarrje. Avokati i pedagogut ka rrëfyer se SPAK ka futur një student të infiltruar, i cili ka pasur një provim të mbetur.
Avokati Nevzat Tarelli është shprehur më tej se Prokuroria ka kryer veprime te simuluara me Xhevahir Dervishin, nëpërmjet agjentit të infiltruar. Pedagogu Alket Dino është arrestuar nga policia, sepse merrte para nga studentët, për t’ju dhënë provimet.
Në pranga ka rënë gjithashtu dhe Xhevahir Dervishi, i cili bënte rolin e sekserit mes pedagogut dhe studentëve. Pedagogu Dino punon në Universitetin “Fan Noli” në Korçë, në Fakultetin e Shkencave Natyrore.
“Dino u arrestua mbrëmë për shkak të një hetimi të filluar nga SPAK. Dje janë finalizuar kryerja e veprimeve simulues, nëpërmjet nje agjenti te infiltruar. Bëhet fjalë për një student i cili ka pasur një provim të mbetur.
Prokuroria ka kryer veprime te simuluara me Xhevahir Dervishin, nëpërmjet agjentit të infiltruar. Ne momentin e arrestimit, Dino nuk ka pasur asnjë prej kartëmomedhave që u përdorën për veprimin simulues.
Nje pjesë e lekëve janë gjetur tek Dervishi, një pjesë nuk janë gjendur. Dino eshte ne pozita mohuese. Është e vërtetë qe ka pasur kontakt me te arrestuarin tjeter, por takimi ka qenë për shkak te interesit te pedagogut për një shtepi me qira, pasi Dervishi ështe pronar i një agjencie imobiliare.
Alket Dino është pozicionuar qartë që nuk ka lidhje me rastin korruptiv, që ka të bëjë me nje student që pretendon qe ka paguar për nje provim me Alket Dinon 500 euro. Gjate kontrollit fizik, profesorit nuk i është gjetur asnjë kartëmonedhë euro.
Nje pjese e eurove janë gjetur te portofoli i Xhevi Dervishit. Rezultatet e provimit jane mbyllur para nje jave, dhe nuk ka asnje mundesi qe pedagogu te nderhynte ne sistem per te ndryshuar noten. Pedagogu eshte mbajtur per nje muaj ne pergjim, kohe kur eshte rregjistruar procedimi penal nga SPAK, dhe survejimi, dhe dje është bërë arrestimi në flagrancë”.
