SPAK ka zbarkuar në Ersekë, pas denoncimit të një ish-punonjëse të Bashkisë së Kolonjës. Aktualisht janë bllokuar nga prokurorët e SPAK, të gjitha dokumentet që përkojnë me tenderat e Bashkisë, bëjnë me dije burime për ‘Dosja.al’.
Deri më tani nuk ka informacione për persona të ndaluar apo shoqëruar, por vetëm sekuestrimin e disa dosjeve me materiale që kanë lidhje me prokurimet publike (tenderat).
Pritet që në orët në vijim, autoritetet të dalin me një njoftim zyrtar për mediat, në lidhje me aksionin e kryer në Bashkinë e Kolonjës.
