E mërkurë, 24 Nëntor, 2021
14.5 C
Tirana

Masakra e përgjakshme në Angli, qëlloi për vdek*e 5 persona

Jake Davison është identifikuar si autori që u mori jetën 5 personave në Plymouth të Anglisë. Masakra ndodhi të enjten. Si pasojë e sulmit të ndodhur të enjten pasdite, tre gra dhe dy meshkuj mbetën të vrarë. Policia e cilësoi ngjarjen si më të rëndën (që s’ka lidhje me terrorizmin). Sipas raportimeve, katër nga viktimat ndërruan jetë në vend ndërsa i pesti në spital. Dyshet se një prej tyre ishte i mitur.

Tre femra dhe dy meshkuj u qëlluan në zonën Keyham të qytetit. Një deputet ka thënë se një prej viktimave ishte një fëmijë.

Shërbimet e urgjencës u thirrën në Biddick Drive pak pas orës 18:00 të enjten. “Zona është e rrethuar dhe policia nuk po kërkon askënd tjetër në lidhje me incidentin”.

Kryeministri Boris Johnson shkroi në Twitter: “Mendimet e mia janë me miqtë dhe familjen e atyre që humbën jetën dhe me të gjithë ata që u prekën nga incidenti tragjik në Plymouth mbrëmë. Falenderoj shërbimet e urgjencës për përgjigjen e tyre”.

Deputeti Luke Pollard shtoi se ishte “plotësisht i shkatërruar”, kur mësoi se një nga të vrarët ishte një fëmijë. Njerëzve iu kërkua të qëndrojnë brenda dhe të ndjekin këshillat e policisë, ndërsa shërbimet e urgjencës u përgjigjën.

Ekipi mjeko-ligjor në vendin e ngjarjes në Keyham, Plymouth

Dëshmitari okular Sharron, i cili jeton aty pranë dhe nuk dëshiron të japë emrin e plotë, tha se ajo që ndodhi ishte “e tmerrshme dhe aq e trishtueshme”.

“Së pari, pati një britmë, e ndjekur nga të shtëna armësh – tre ndoshta katër për të filluar”, tha ajo.

“Kjo ishte kur sulmuesi goditi në derën e një shtëpie, dhe filloi të qëllonte rastësisht. Ai iku nga shtëpia duke qëlluar ndërsa vraponte dhe vazhdoi të gjuante mbi disa persona në parkun linear nga makina”. Ajo tha se “sulmuesi vazhdoi përgjatë Avenue Royal Navy ende duke qëlluar”.

Sekretari i mbrojtjes Ben Wallace: “Ne kemi përjashtuar terrorizmin që qëndron pas kësaj”. Sekretarja e Brendshme, Priti Patel shkroi në Twitter: “Incidenti në Plymouth është tronditës, dhe mendimet e mia janë me të prekurit. Unë kam folur me shefin e policisë dhe kam ofruar mbështetjen time të plotë. Unë i bëj thirrje të gjithëve të qëndrojnë të qetë, të ndjekin këshillat e policisë dhe të lejojnë shërbimet tona të urgjencës të vazhdojnë punën e tyre”.

Ambulanca të shumta morën pjesë në vendngjarje, përfshirë nga Devon dhe Cornwall. Johnny Mercer, deputet për Plymouth Moor View, e përshkroi ngjarjen e së enjtes si “tragjike” dhe “shkatërruese”.

Ai tha: “Kishte disa aspekte mjaft traumatike për këtë incident, dhe si komunitet tani duhet të mblidhemi dhe të përpiqemi ta kuptojmë sa më shumë që mundemi”.

‘Dhimbje dhe trauma’

Sekretari i Mbrojtjes, Ben Wallace tha se kishte folur me sekretarin e brendshëm dhe ishte i sigurt se situata ishte “në dorë”. “Unë mendoj se është një ngjarje shumë e trishtuar dhe tragjike dhe mendimet e mia janë me familjet që kanë të afërm dhe miq që kanë humbur jetën”.

Policët në vendngjarje

Policia do të lëshojë informacione të mëtejshme mbi ngjarjen e së enjtes. Udhëheqësi i Këshillit Bashkiak të Plymouth, Nick Kelly tha se asgjë në “kujtesën e tij” nuk krahasohet me të shtënat.

Ai tha: “Sot qyteti ynë është në zi dhe zemra ime shkon për të gjithë ata që preken drejtpërdrejt nga ky incident. “Ndërsa ne nuk i kemi ende të gjitha detajet, ne e dimë se kjo është një tragjedi tronditëse që do të ketë ndikim jo vetëm në familjet e viktimave, por njerëzit që jetojnë në këtë lagje dhe qytet”.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Sherr mes adoleshentëve në Tiranë, plagoset 17-vjeçari

Një sherr për konflikte të dobëta ka ndodhur në zonën e Laprakës, në Tiranë. Një 17-vjeçar me inicialet A. S., ka përfunduar në spital...

Mbi modelin Ramiz Alia

Nga: Genc Pollo Në 31 mars 1991, katër muaj pas themelimit të Partisë Demokratike, u mbajtën zgjedhje parlamentare, të cilat, për herë të parë mbas...

Fuste në vend mallra “si ndihmë humanitare”, procedohet përfaqësuesi i shoqatës

Dogana ka goditur një skemë mashtrimi. I referohemi një rasti me mallra të importuara “si ndihmë humanitare”. Nga skema e ngritur, përfaqësuesi ligjor i...

Ringjall fantazmën Millosheviç/Meta sulmon ‘Open Balkan’ dhe ‘shigjeton’ Ramën

Nisma e "Ballkanit të Hapur" nga Prishtina është sulmuar nga kreu i shtetit, Ilir Meta. Për të, kjo nismë rivalizon procesin e Berlinit dhe...

“VIDEO 3D” e aksidentit në Bullgari, si u përplas autobusi

Në mediat maqedonase është publikuar një video 3D ku tregon skenën si ndodhi aksidenti tragjik me 46 të vdekur në Bullgari. Aktualisht ka komente...