Prokuroria e Posaçme Kundër Korrupsionit dhe Krimit të Organizuar (SPAK) ka kërkuar që të pushohen hetimet ndaj ish-kryeprokurorit Adriatik Llalla, për “fshehje pasurie”. Kërkesa e SPAK është bërë vetëm pak ditë më parë në Gjykatë, ku kërkohet pushimi i hetimeve për akuzën e “fshehjes së pasurisë” nga ana e SPAK. Në kërkesë, SPAK argumenton se Llalla është gjykuar njëherë për të njëjtën vepër penale. Llalla u dënua me vendim të formës së prerë nga Gjykata e Posaçme e Apelit me 2 vite burg për akuzën e “fshehjes së pasurisë” në tre raste.
Aktualisht ai është në liri me kusht, dhe nuk mund të lëvizë pa lejen e autoriteteve vendase. Autoritetet shqiptare kanë kërkuar ekstradimin e Llallës.
Hetimi pasuror ndaj Llallës u bazua në të ashtëquajturin ligji Antimafia, sipas të cilit barra e provës për të dëshmuar se pasuritë e sekuestruara janë të ligjshme, i takonte ish-Prokurorit të Përgjithshëm.
