Prokuroria e Posaçme i ka sekuestruar kardiologut të QSUT-së, Edvin Prifti 250 mijë euro dhe 160 milionë lekë të vjetra.
200 mijë euro dhe 130 milionë lekë të vjetra i janë gjetur mjetkut në banesë, teksa shuma tjetër prej 50 mijë eurosh dhe 30 milionë lekë të vjetra janë gjetur në zyrën e tij.
Kardiokirurgu i njohur akuzohet nga SPAK për korrupsion pasiv i funksionarit publik, pasi në kohën që bëheshin përgjime për dosjen ndaj gjyqtares Enkelejda Hoxhës, kanë dalë të tjera fakte dhe prova për një çështje tjetër korrupsioni, që nuk ka lidhje në vetvete me arrestimin e gjyqtares.
Në këtë skemë të kundraligjshme, sipas Prokurorisë së Posaçme, janë përfshirë dhe Trendafile Frangu dhe Migena Skenderi, infermiere të QSUT-së.
Për kardiokirurgun Prifti, SPAK ka vendosur pezullimin e ushtrimit te profesionit të njëjtin vendim është marrë edhe për infermieren Trëndafile Frengu, ndërsa për Migena Skënderin është vendosur masa detyrim për tu paraqitur.
Ndërkohë, gjyqtares Enkeleda Hoxha i janë gjetur në banesë 10 mijë dollarë.
