Pasditen e sotme, në orën 16:00 pritet të zhvillohet Asambleja Kombëtare e Partisë Socialiste. Raportohet se Asambleja do të hapet me fjalën e kryeministrit Edi Rama ndërsa në vijim do të bëhet një analizë mbi rezultatet e zgjedhjeve të 30 qershorit.
Analiza do pasohet me shqyrtimin dhe miratimin e Projekt-Vendimit për organizimin dhe zhvillimin e zgjedhjeve të përgjithshme në parti. Gjithashtu do të bëhet shqyrtimi dhe miratimi i Projekt-Udhëzimit për zgjedhjet e reja të përgjithshme në parti. Dhe në pikën e pestë do bëhet shqyrtimi dhe miratimi i Projekt-Udhëzimit për kriteret përzgjedhëse për delegatët e kongresit dhe kryetarët e partisë të bashkive.
