Sot do të zgjidhet prokurori i ri i Përgjithshëm i Shqipërisë. Në seancën e Kuvendit që do të zhvillohet sot do të zgjidhet personi që do të drejtojë organin e akuzës për 7 vitet e ardhshme. Edhe pse Kuvendi ka dhe dy javë të tjera para përfundimit të afatit të përcaktuar ligjor, mësohet se zgjedhja e tij do të jetë sot në rendin ditës.
Tre kandidaturat e propozuara për këtë pozicion janë:
- Olsian Çela (459)
- Arta Marku (406)
- Fatjona Memçaj (362)
Gara për Kryeprokuror, KLP i dërgon Ruçit renditjen e kandidatëve
KLP-ja ka depozituar pranë Kuvendit tri kandidaturat më 21 nëntor dhe deputetët kanë afat deri më 21 dhjetor për miratimin e njërit prej tyre si prokuror i Përgjithshëm. Në rast se Kuvendi nuk bën zgjedhjen e tij, i pari i renditur nga KLP-ja bëhet automatikisht.
