Sot ka nisur viti i ri akademik për të gjithë studentët e ciklit të studimit Bachelor. Ministrja e Arsimit Besa Shahini përmes një video-mesazhi të publikuar në rrjetin social Facebook ka bërë me dije se do vijojnë të jepen bursa për studentët ekselentë dhe kategoritë në nevojë.
“Të dashur studentë. Sot fillon viti i ri akademik dhe ne kemi kaluar të gjithë muajt e verës për të vijuar me realizimin e Paktit për Universitetin. Do vazhdojmë me zbatimin e politikës së përgjysmimit të tarifave për të gjithë studentët e ciklit të parë dhe të integruar. Do vijojmë me dhënien e bursave për gjithë studentët ekselentë dhe kategoritë në nevojë. Kemi investuar në konvikte, jo vetëm në Tiranë, por në gjithë Shqipërinë. Mos harroni ta përdorni bibliotekën digjitale që ka miliona artikuj shkencorë dhe libra akademikë për studimet tuaja. Ju lutem na shkruani për çdo gjë, nëse keni pyetje apo shqetësime.
Ta mbajmë komunikimin hapur, t’i mbledhim të gjitha energjitë bashkë që ta çojmë përpara realizimin e paktit për universitetin dhe të përmirësojmë cilësinë e arsimit të lartë në Shqipëri”, ka deklaruar ndër të tjera Shahini.
