Ministrja e Shëndetësisë dhe e Mbrojtjes Sociale, Ogerta Manastirliu bëri me dije se ditën e sotme do të mbërrijnë 11.700 vaksina kundër koronavirusit, të prodhuara nga Kompania Pfizer.
Manastriliu ndoqi nga afër procesin e vaksinimit të punonjësve të fabrikave me material porositësi dhe ata në industrinë e turizmit.
Aktualisht, janë vaksinuar me dozën e parë më shumë se 6 mijë punonjës të fasonerive, ndërkohë që në total janë vaksinuar mbi 600 mijë qytetarë.
Ogerta Manastirliu: ”Janë më shumë se 740 mijë vaksina të ardhura në Shqipëri deri më sot, ndërkohë që sot priten edhe 11,700 doza të vaksinës Pfizer nga dy kontratat që kemi, nga kontrata me Pfizer priten 7020 doza dhe kontrata me BE mbi 4 mijë doza”
Janë vaksinuar deri tani më dozën e parë më shumë se 6 mijë punojës të fasonerive dhe po vijon me ritme të shpejta vaksinimi kudo nëpër Shqipëri. Ritmet e vaksinimit në vend janë ritme të larta, pra vijon intenisteti i vaksinimeve ditore. Kemi vaksinuar tashmë më shumë se 600 mijë qytetarë, ndërkohë që presim në vijimësi dozat e vaksinave, sipas kalendarit të lëvirimit të kontratave”.
