Besimtarët myslimanë kremtojnë festën e Kurban Bajramit. Në sheshin “Skënderbej”, besimtarët myslimanë falën Namazin e Bajramit. Ky është viti i dytë i faljes së Namazit, nën situatën e pandemisë.
Në drejtimin e kreut të KMSH, Bujar Spahiut, besimtarët myslimanë janë lutur për më shumë shëndet, mirësi e mirëqenie.
“Jemi një botë e globalizuar dhe kërkon sa më shumë për të përballuar sfidat. Këtë festë ta përjetojnë sa më mirë, të vizitojnë njëri-tjetrin, dhe të shpërndajnë sa më shumë dashuri. Të gjithë kryefamiljarët myslimanë që kanë mundësi të presin kurban dhe ta shpërndajnë atyre që kanë nevojë”, ka thënë Spahiu.
Rituali dhe festa e Kurban Bajramit fillon me faljen herët në xhami, vazhdon me prerjen e kurbanit për atë që ka mundësi dhe shpërndarjen e mishit për njerëzit në nevojë, duke mbaruar me vizitat tek të afërmit dhe miqtë.
