Komisioni i Pavarur i Kualifikimit ka shkarkuar nga detyra kandidatin për në Gjykatën Kushtetuese, Ilir Mustafajn.
Gjyqtari i Gjykatës së Tiranës u shkarkuar pasi u konstatuan probleme me pasurinë.
Nga seanca dëgjimore e zhvilluar në herët në KPK, rezultoi se Mustafaj kishte mospërputhje të deklaratës së vettingut me atë vjetore, si dhe mospërputhje në çmimin dhe sipërfaqen e pasurive.
Gjatë seancës dëgjimore, Mustafaj kërkoi dhe ndërrimin e trupit gjykues, i kryesuar nga Lulzim Hamitaj, për shkak të konfliktit që kishte me relatorin Xhensila Pine, por kjo kërkesë nuk u pranua. Ndër të tjera, ai u shpreh se ka mbështetur vettingun dhe reformën në drejtësi.
“Me vendimin e sotëm të Komisionit nuk ka humbur Ilir Mustafaj si individ, pasi Mustafaj do e ankimojë në instanca më të larta të cilat do i japin të drejtë. Sot ka humbur vendi. Ka humbur Gjykata Kushtetuese e cila nuk do të ketë në përbëhej një profesor të së drejtës” u shpreh Mustafaj.
