Sot europa e futbollit fokusohet tek ‘Europa Ligë’, që luan ndeshjet e para për raundin e 1/16-ave.
Ndeshja kryesore do të luhet në ‘Old Traford” ku Mançester Junajtid do të presë Milanin e Piolit por ja se cilat skuadra do të tentojnë çerekfinalet e këtij kompeticioni.
Në orën 18.55 luhen:
Ajaks – Jang Bojs
Hollandezët e Ajaksit të konsideruar favorit të kësaj përballjeje presin në ‘Johann Cruyff Arena’ zviceranët që eleminuan Tiranën më herët në Europë. Ajaksi vjen nga një seri prej 19 ndeshjesh pa humbje prej të cilave 16 fitore që kur dolën nga Liga e Kampionëve në dhjetor. Jang Bojsi nga ana tjetër numëron 13 ndeshje pa humbje në këtë vit të ri kalendarik që e ka nisur shumë mirë.
Dinamo Kiev – Vijareal
Vijareali që vjen nga dy humbje rradhazi viziton ‘NSC Olimpiyskiy Stadium’ ku e pret Dinamo e Kievit, ekip që po shijon një 2021-sh të mirë me 7 ndeshje pa humbje.
Mançester Junajtid – Milan
Deri para 14 vitesh, shumë mirë mund të ishte dhe finalja e Ligës së Kampionëve e jo më një përballje rutinë e Ligës së Europës, por ja që fati e do që sonte të përplasen dy gjigantë të europës që në të kaluarën kanë ngritur trofe të rëndësishëm deri tek maja e botës për klube.
Junajtid vjen në këtë raund me fitore bindëse ndaj Sociedadid në raundin paraardhës, teksa të besuarit e Piolit kaluan me peripeci Cërvena Zvezdën falë goit në fushë kundërshtare.
Slavia Praha – Rejnxhërs
Rejnxhrsat të sapo shpallur kampionë pas një dekade në Skoci me trajnerin Stiven Xherrard do të kërkojnë një aventurë magjike dhe në Europë. Skocezët nga Gllasgou nuk kanë humbur asnjë ndeshje këtë sezon dhe modestët çekëjanë një kundërshtar mëse i kalueshëm.
Në orën 21.00:
Roma – Shaktar
Fonseka përgatitet të përballet me të kaluarën sonte kur të ketë përballë ish punëdhënësit. Sonte janë kundra njëra tjetrës dy filozofi, mbajtja e topit kundër kundërsulmit. Fonseka dhe Kastro do të na japin një nëntëdhjetë minutësh të bukur sigurisht me italianët disi më favoritë dhe prej emrave dhe cilësisë që ka në dispozicion.
Granada – Molde
Deri vjet një ekip modest spanjoll, Granada ka arritur deri këtu me shumë meritë duke nisur që nga sezoni i kaluar në La Liga që i dha të drejtën e përfaqësimit në Europë e deri tek përballja e nxehtë në raundin e kaluar ku eleminoi Napolin favorit. Në mes të këtij rrugëtimi kujtojmë dhe përballjen e tyre me Teutën e Durrësit në raundet paraeleminatore. Padyshim spanjollët favoritë në këtë sfidë por ish ekipi i Solskjaerit do të tentojë surprizën sepse nuk ka asgjë për të humbur.
Olimpjakos – Arsenal
Arsenali udhëton për në ‘Karaiskaqis’, shtëpia e Olimpjakosit të Pireut, për një nga ato përballjet që vijnë fill njëra pas tjetrës dhe të japin mundësinë e hakmarrjes. Kujtojmë se në sezonin e kaluar ishin pikërisht grekët që e nxorrën Arsenalin pretendent jashtë nga ky kompeticon me një gol dramatik në minutën e 120-të të përballjes.
Këtë herë grekët vijnë nga një 5-4 në total kundrejt holandezëve të PSV-së ndërsa Arsenali i ktheu rezultatin Benfikës. Topçinjtë e Londrës janë 12 pikë pas zonës Champions në angli dhe e vetmja mënyrë për të kapur kompeticionin më prestigjoz për klube sezonin e ardhshëm mbetet fitimi i trofeut të Europa Ligës.
Totenhem – Dinamo Zagreb
Totenhemi i Murinjos pret Dinamon e Zagrebit në shtëpi me një Bejl në superformë dhe me epërsi të qartë cilësore në çdo pozicion ndaj kroatëve. Murinjo kërkon t’i japë një trofe spërsave dhe kjo ndoshta është mundësia më e mirë për t’a bërë. Kualifikimi ne Champions sezonin e ardhshëm ashtu si dhe në rastin e Arsenalit duket tejet i vështirë nga kampionati prandaj ky kompeticion merr një rëndësi të veçantë. Mou shkon në këtë sfidë me një skuadër thuajse të plotë dhe objektivi është një rezultat që t’i mundësojë relaks javën tjetër në Kroaci. -Totila Kotorri
