Sindikata e pedagogëve do mbajë sot një protestë kombëtare. Lëvizja e pedagogëve vjen për plotësimin e kërkesave të tyre, siç është rritja e pagave.
Sikundër u njoftua një ditë më parë, protesta do të nisë në orën 11:00, në formën e bojkotit total, përpara Godinës se Korpusit Qendror të Universitetit Politeknik, ku do të marrin pjese të gjitha universitetet publike të vendit.
Pedagogët, kanë parashtruar një muaj më parë për Qeverinë dhe Ministrinë e Arsimit një listë me 9 kërkesa, në të cilat fokusi është rritja e pagës.
Kryeministri Edi Rama ka reaguar në lidhje me protestën e pedagogëve. Kreu i qeverisë thotë se protesta e një pakice pedagogësh, po paraqitet si masive nga mediat. Sipas tij, nuk ka për t’u bërë asnjë Vetting ndaj pedagogëve, dhe kjo gjë as nuk është menduar.
“Mediat e angazhuara masivisht për ta paraqitur si masive protestën e një pakice pedagogësh, nën udhëheqjen e nongratave e të shiksave të tyre, flasin për gjoja një Veting që do bëka regjimi imagjinar për pedagogët! Asnjë Veting as do bëhet, as është thënë e as është e menduar!
Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!”.
Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!
— Edi Rama (@ediramaal) October 20, 2022
