Presidenti Meta bëri bujë pak ditë më parë me deklaratat e tij, kundër miliarderit George Soros. Pas tij, ditën e sotme ka reaguar edhe ish-kryeministri Sali Berisha i cili u shpreh qartazi kundër tij.
Berisha pas mbledhjes në selinë e PD-së, dha një prononcim për mediat ku deklaroi se Soros i dha të gjitha pushtetet Edi Ramës me pseudoreformën, duke theksuar se kryeminstri Rama e ka shndërruar drejtësinë në narkodrejtësi.
“Shqipëria sundohet nga një narkoshtet. Cila drejtësi të hetojë, narkodrejtësia? Cila mafie në botë heton veten. nëse drejtësia do kishte hetuar, s’do ishte kjo situatë në Shqipëri. Ajo pseudoreformë e Soros do t’i jepte Edi Ramës të gjitha pushtetet që e shndërroi drejtësinë në narkodrejtësi. Mafia nuk heton veten e vet. Dhe ndaj mos u sugjeroni shqiptarëve gjëra galante, sikur këtu është një vend me demokraci, e jo me të gjitha pushtetet e kapura nga një mafioz, Edvin Kristaq Avdyli, Edvin Kristaq Lala. Kush pengoi hetimin, opozita? S’mund të hetohet krimi elektoral sa të jetë Edi Rama. Nuk mund të mashtrohen shqiptarët me të tilla deklarata”, u shpreh Berisha në prononcimin për mediat.
