Gazetarja Sonila Meço ka ndarë disa detaje nga jeta e saj personale me publikun në emisionin “Goca dhe Gra”. Ajo rrëfeu se fillimisht kishte qenë shumë e lumtur që punonte në të njëjtin vend me të shoqin, Drinin. Por me kalimin e viteve kuptoi se Drini nuk mund të qëndronte pafundësisht me të, pasi edhe ai kishte angazhimet e tij. Aty kishte reflektuar se kush ishte çelësi i suksesit për ta mbajtur lidhjen edhe më të fortë, duke respektuar hapsirën e njëri-tjetrit.
“Unë kam mjaftueshëm vite e lidhur me bashkëshortin, dhe ka pasur disa ngjarje të rëndësishme që nuk i kanë lënë kohë martesës për t’u konsumuar. Në fillim unë kam menduar që Drini ishte zgjidhja më e mirë për mua për të bashkëjtuar ose për tu martuar, sepse ishte mbështetja ime më e madhe, ishte i qetë. Më mbronte edhe profesionalisht.
Kaloi pak kohë dhe kuptova që nuk mund të punoj në të njëjtin vend me Drinin, dhe u mësova me idenë që nuk e kam më në punë, por mund ta pyes për gjithçka.
Kuptova që vetëmjaftueshmëria jote është kushti i vetëm që do të mbante të fortë lidhjen me Drinin. Ndoshta edhe Drini më ka parë me këtë sy”, tha Meço ndër të tjera.
