Rritja e madhe e numrit të karkalecave të shkretëtirës në pjesën lindore të Afrikës, ka bërë që Somalia të shpallë gjendjen emergjente.
Sipas Kombeve të Bashkuara, numri i karkalecave në Somali dhe Etiopi është më i madhi në 25 vjetët e fundit. Autoritetet e shtetit afrikan bëjnë me dije se karkalecat paraqesin kërcënim të madh për sigurinë e ushqimit, pasi ushqehen me sasi të madhe të bimëve të ndryshme.
Organizata e Ushqimit dhe Bujqësisë në Kombet e Bashkuara deklaron se ky është kërcënimi më i madh që Kenia është përballur në 70 vitet e fundit.
Autoritetet në Somali nuk mund t’i përdorin aeroplanët për shpërndarjen e insekticideve, për shkak të gjendjes së gjendjes së paqëndrueshme të sigurisë dhe rrezikut nga sulmet e mundshme të militantëve. Kjo e bën edhe më të vështirë luftën kundër këtyre insekteve.
