Kryeministri Edi Rama ka reaguar në lidhje me kërcënimet që ai mori pak ditë më parë me anë të disa SMS-ve në telefon.
Në një prononcim për gazetarët pas daljes së tij nga votimi për delegatët e Kongresit, Rama u shpreh i prerë se nuk i intereson kjo pjesë.
“S’janë tema që më shqetësojnë, as me interesojnë. Ajo që më intereson është dhënia e një shtyse të re procesit qeverisës për një përfundim me sukses të këtij mandati, shtysë që nis me ligjin special kundër atyre që janë shpërndarë në territore të caktuara e kujtojnë se llogaritë janë të mbyllura, tani është koha të bëhen llogaritë për pasuri të vëna në mënyrë kriminale”, deklaroi ai.
Kujtojmë se Antiterrori shoqëroi për disa orë dhe më pas liroi një të ri nga Puka që i kishte dërguar mesazhe kërcënuese në telefon kreut të qeverisë.
