Viktimat e skllavërisë në Mbretërinë e Bashkuar tani ka më shumë gjasa të jenë britanike, sesa fëmijë të një kombësi tjetër. Shkalla e tmerrshme e punës së detyruar dhe shfrytëzimit seksual nga bandat kriminale në të gjithë vendin, tregon se numri i fëmijëve britanikë të shfrytëzuar është trefishuar në një vit.
Njerëzit janë të shqetësuar për skllavërimin e fëmijëve që vijnë nga vendet e tjera, të cilët vijën në Britani si emigrantë të paligjshëm që vijnë këtu për shkak të varfërisë, ose si pasojë e trafikimit të qenieve njerëzore. Por statistikat e Agjencisë Kombëtare të Krimit për skllavërinë e mundshme dhe për viktimat e trafikimit të njerëzve tregojnë se britanikët tani janë në krye të listës, shkruan Daily Mail.
Ata kanë tejkaluar numrin e viktimave të fëmijëve shqiptarë që deri më tani kanë kryesuar listën. Gjithashtu ata kanë lënë pas dhe fëmijët vietnamezë, rumunë ose kineze, që nga fillimi i regjistrimeve.
Shifrat gjithashtu tregojnë se një në tetë fëmijë i skllavëruar, i raportoi policisë është britanik me moshë nën 17 vjeç.
Në nëntë muajt e parë të vitit të kaluar ishin raportuar 432 fëmijë britanikë, të cilët shfrytëzoheshin seksualisht ose detyroheshin të shpërndanin droga, armë, mallra të vjedhura ose të dorëzonin para për bandat.
Shifrat për periudhën korrik-shtator 2017, tregojnë një rekord 179 fëmijë britanikë u janë referuar policisë dhe autoriteteve lokale. TIRANA TODAY
