Një skenë e vërtetë lufte ishte ajo në Kavajë. Vrasja në shtëpinë e Marsida Qatjas, tronditi një Shqipëri të tërë. Teksa të dhënat që përcillte Marsida ishin shumë kontradiktore, një foto nxjerr zbuluar raportin mes të ndjerit dhe të plagosurit.
Bëhet fjalë për Dritan Haxhollin dhe Bledar Toçin, të cilët sipas një fotoje të dërguar në redaksinë e JOQ Albania, duket se ata kanë patur njohje dhe pozonin së bashku, duke treguar armët.
Haxholli tregon me krenari automatikun e tij dhe Toçi, efektivi i Drejtorisë së Burgjeve, armën e tij të shërbimit, me të cilën i dha fund jetës së atij me të cilin shoqërohej.
Ende nuk ka informacione lidhur me raportin miqësor mes tyre, por duket se ata shoqëroheshin me njëri-tjetrin.
Viktima Dritan Haxholli ishte person në kërkim nga policia e Kavajës, por kjo nuk e pengonte të endej i lirë në qytet.
Sipas disa qytetarëve, në qytetin ku ndodhi ngjarja, Haxholli kishte marrëdhënie të mira me policët e Kavajës, saqë këta të fundit nga frika detyroheshin t’i bënin xhiro me furgonin e policisë.
Një qytetar i Kavajës, për JOQ Albania ka shkruar:
“Dritani ka qenë aq problematik, saqë detyronte dhe policët e Komisariatit të Kavajës ti bënin xhiro me furgonin e policisë”.
