Ekipi i Skënderbeut a mbërritur në orët e para në Beograd, ku janë shoqëruar nga forca të shumta policore. Ata do të zhvillojnë sfidën e kthimit përballë Partizanit të Beogradit në kuadër të Europa League. Kjo ndeshje ka marrë një nuancë të tillë si pasojë e atyre ngjarjeve të shëmtuara që u panë tre vite më parë në ndeshjen Serbi-Shqipëri, ku u dhunuan lojtarët e kombëtares shqiptare nga tifozët serbë.
Në aeroportin e Beogradit ka një numër të madh policësh që kanë shoqëruar ekipin korçare drejt hotelit, ku janë akomoduar deri në ditën e nesërme në mbrëmje. Edhe hoteli është i rrethuar nga forca të shumta sigurie, për të evituar çdo lloj incidenti. Gjithashtu janë instaluar rreth 90 kamera sigurie në stadium dhe do të jenë të pranishëm mbi 700 policë për të ruajtur rendin. Klubi i Partizanit u ka bërë disa herë thirrje tifozëve të tij që të jenë sa më të qetë në stadium dhe të evitojnë koret raciste, pasi duhet tu kthejmë respektin që na bënë në “Elbasan Arena”.
