Skënderbeu ka përmbysur Flamurtarin në Vlorë me dy gola të shënuar në dy minuta nga Sowe dhe Nimagës. Korçarët vazhdojnë ëndrrën në finalen e Kupës së Shqipërisë, trofe që nuk e kanë fituar asnjëherë në histori dhe do të përballen me Laçin.
Skuadra e Ilir Dajës ishte mposhtur një javë më parë me rezultatin 1-0 në shtëpi, ndërsa në transfertën e Vlorës përmbysin gjithçka me lehtësi dhe kontrollojnë ndeshjen. Në minutën e 59’ është Ali Sowe ai që dërgon topin në rrjetë pas një asisti të Gavazajt, goditje perfekt nga sulmuesi që përfundon në rrjetë.
Ndërsa vetëm 2 minuta më pas është Bakary Nimaga ai që nuk gabon dhe dërgon topin në rrjetë, pas një goditje perfekte nga jashtë zone.
Laçi u kualifikua në saj të barazimit 1-1 në Kukës dhe prej rregullit të golave në transfertë, pasi ndeshja e parë ishte mbyllur 0-0. Laçi e ka fituar 2 herë këtë veprimtari, ndërsa Skënderbeu ka luajtur pesë finale, por pa e ngritur kurrë trofeun në qiell.
