Skënderbeu nuk di të ndalet këtë sezon, pasi mposht Kukësin kampion me rezultatin 2-1 në Korçë edhe pse në 20’ minutat e fundit iu desh të luante me një lojtarë më pak. Kjo fitore e ka thelluar më shumë diferencën mes dy ekipeve dhe e ka çuar në 9 pikë. Ndeshja ishte luftuar shumë nga të dyja ekipet por bardhekuqtë treguan se janë në një nivel më të lartë se ekipet e tjera këtë sezon në Superligë. Golin e parë për vendasit e shënoi Afrim Taku, që u barazua shumë shpejt nga Guri dhe në të dytën mendoi James i cili vulosi edhe fatin e këtij takimi.
Goli i parë ka ardhur në minutën e 37’, ku Nimaga kthen me mjaft vështirësi një top në2 zonën ku ndodhe James dhe ky i fundit e lë mbrapa me mjaft mjeshtëri për Takun. Ky i fundit godet menjëherë dhe Kolici nuk ka asnjë mundësi për ta ndaluar topin.
Por vetëm pas pesë minutash, Bakaj merr përsipër ekzekutimin e një goditje dënimi dhe Guri i shpëton mbulimit të mbrojtjes dhe godet me kokë për të dërguar topin në rrjetë dhe të barazojë gjithçka.
Pjesa e parë u mbyll në shifra të barabarta dhe bëri që ekipet ta vlerësonin në maksimum pjesën e mbetur të lojës. Sapo fillon e dyta janë korçarët që kërkojnë të gjen golin e fitores dhe janë gjithmonë në sulm. Por Kukësi mbrohet mjaft mirë dhe përpiqet ti kapë në kundërsulm me Kale dhe Bakajn, por Jashanica dhe Shehi janë një mur i vërtetë. Në minutën e 69’ është James që përfiton në zonë dhe i vetëm përballë Koliçit e dërgon topin në rrjetë duke i dhënë avantazhin sërish Skënderbeut. Por dy minuta më vonë Vangjeli gabon në një ndërhyrje dhe merr kartonin e dytë të verdhë dhe lë ekipin me 10 lojtarë.
Në pjesën e mbetur të lojës është Kukësi që hidhet në sulmduke përfituar edhe nga epërsia numerike, por nuk arrin të gjejë rrugën e rrjetës dhe të barazojë rezultatin. Kjo është një fitore mjaft e rëndësishme për Skënderbeun që mbanë vendin e parë me një distancë të konsiderueshme nga vendi i dytë, por krijon edhe një hendek me kampionët në fuqi të Kukësit të cilët ishin rivalët më seriozë në këtë kampionat.
