Partizani ditët e fundit ka bërë një kërkesë në FSHF, ku kërkon që titulli i sezonit 2015/16 që iu hoq Skënderbeut tu dorëzohet atyre. E gjitha kjo ndodhi pasi skuadra korçare që triumfoi në Superiore mori një dënim nga UEFA për trukim ndeshjesh dhe Komisioni i Etikës pranë FSHF-s vendosi që t’i heqë titullin Skënderbeut.
Pikërisht për këtë arsye, kanë qetë drejtuesit e Partizanit që kanë kërkuar këtë titull në mënyrë të përsëritur dhe në rrugë zyrtare e medietike. Por, duket se te Skënderbeu nuk janë dorëzuar dhe e kanë çuar çështjen në Gjykatën e Arbitrazhit Sportiv, në Lozanë, ku ankohet për heqjen e titullit, por edhe dënimet pasuese të FSHF-së ndaj skuadrës korçare. Dosja e Skënderbeut ka përfunduar në Arbitrazhin e Lozanës, që në muajin Gusht të këtij viti, ndërsa ende Gjykata ende nuk e ka dhënë vendimin e saj për çështjen.
Kujtojmë që Skënderbeu është dënuar me 1 vit mospjesëmarrje në kupat e Europës dhe 100 mijë euro gjobë. Ndërkohë pas këtij vendimi ishte Partizani dhe Tirana që përfituan, pasi të kuqtë zëvendësuan Skënderbeun në ndeshjet e vlefshme për fazat e Champions League, ndërsa Tirana kap zonën e Ligës së Europës.
