Vllaznia nuk do të ketë luksin të presë në Shkodër ekipin e Skënderbeut, pasi kushtet e fushës “Reshit Rusi’ nuk janë në standardet për tu zhvilluar një ndeshje e kategorisë Superiore. Në këtë vendim ka dalë Komisioni i Licencimit, pasi janë bërë inspektimet e duhura. Kjo do të jetë transferta e dytë radhas për Vllazninë, pas asaj që kishte një javë më parë në Kukës. Kjo situatë është krijuar për arsye se në stadiumin “Loro Borici” është mbjellë barë i ri dhe nuk është akoma gati për tu zhvilluar ndeshje.
Ndeshja do të zhvillohet ditën e diel në stadiumin “Skënderbe”, në qytetin e Korçës sipas vendimit të FSHF. Ndërsa ndeshja e fazës së dytë do të zhvillohet në Shkodër, kështu ka vendosur Komisioni i Licencimit pasi u vendos që kushtet e fushës “Reshit Rusi” nuk janë në standardet e duhura për tu zhvilluar ndeshja në kushte normale.
