Julian Ahmataj është përzgjedhur nga Ardian Takaj si trajneri i ri i Skënderbeut.
Të dy palët kanë gjetur akordin total ndërmjet tyre ndërsa në ditët në vijim do të bëhet edhe prezantimi zyrtar.
I kontaktuar nga “balkanweb”, Ahmataj ka konfirmuar arritjen e marrëveshjes me klubin korçar.
Në pritje të vendimit nga Gjykata Federale në Zvicër, Takaj së bashku me Ahmataj do të hartojnë projektin e ri në Korçë ku baza është afrimi në skuadër i elementëve të rinj të cilët do të formohen dhe më pas do të hidhen në tregun e transferimeve.
