Në kohën kur ende nuk ka një vaksinë për koronavirusin, fokusi është tek mjekët se çfarë mund të bëhet për ta përballuar këtë pandemi. Në Shqipëri është vënë re një fluks me të infektuarit, e ndërsa frika shtohet nëse mund të përfundojë me një mbyllje për vendin. Drejtori i Urgjencës Kombëtare, Skënder Brataj, i ftuar në “Ftesë në 5”, dha parashikimet e tij se kur mund të përfunojë situata me COVID-19.
“Nuk ka të dhëna shkencore të vërtetojë agresivitetin e rënë. Nuk po shohim më temperatura 39, 40 të pakontrollueshme, por edhe me 38.2 ka të sëmurë me koronavirus. Veç virusit që ne kemi tani, të rikthehemi një sekondë çfarë kanë ndodhur në të shkuarën. Vetëm në shekullin e kaluar kemi 8, 9 epidemi.
Duke i krahasuar të gjitha, kushtet atëherë, nuk ishin si të sotshmet. Duke u nisur nga kjo, ky është një virus që bën pjesë në familjen e koronavirusit, ne kemi pasur një koronavirus më të fuqishëm se ky. Realisht është mbi gripin, por nuk ka një përqindje aq shqetësuese sa në fillim. Viruset kanë sezonalitetin e vet, pesë gjashtë muaj. Mersi nisi në nëntor dhe përfundoi në korrik. Ne jemi në periudhën pesë-gjashtë mujore dhe është në fund sezoni. Në fazën e parë është më agresiv”, u shpreh Brataj.
