Kryeministri Edi Rama iu është përgjigjur reagimeve të opozitës ndaj paketës ligjore “Anti-KÇK”.
Përmes një statusi në “Twitter”, kreu i qeverisë e cilësoi këtë paketë më agresiven, që një qeveri ka formuluar ndonjëherë në këto 30 vite, kundër krimit dhe korrupsionit.
Sipas tij, Operacioni Forca e Ligjit (OFL) nuk pengon dhe as nuk anashkalon institucionet që po lindin nga Reforma në Drejtësi.
“Pres shumë më tepër reagime idiotike ndaj paketës më agresive ligjore, që një qeveri ka formuluar ndonjëherë në këta 30 vjet, kundër krimit të organizuar dhe aleatëve të tij në sistemin e vjetër e të korruptuar të drejtësisë! S’kemi dëgjuar gjë akoma, po ama s’kanë parë gjë akoma!
Operacioni Forca e Ligjit (OFL) as nuk dublon, as nuk pengon, as nuk anashkalon institucionet që po lindin nga Reforma në Drejtësi, po është komplementar me to dhe do t’i bëjë një shërbim të madh shoqërisë, në këtë fazë tranzitore të sistemit të drejtësisë! Kaq për momentin”, shkruan Rama.
