Ish-deputeti i Partisë Demokratike, Bardh Spahia, ka denoncuar me zë e figurë sesi Drejtoresha e Qendrës Shëndetësore nr.8 në Tiranë, Blerta Berberi, i thotë stafit mjekësor se kjo qendër nuk i siguron dot mjetet mbrojtëse për koronavirusin.
Ajo i thotë mjekëve se maskat janë me numër, dhe se nuk ka doreza dhe alkool për ata. Një prej mjekeve, mjaft e shqetësuar nëse mund të përballet me një pacient të infektuar, merr një përgjigje të prerë nga ana e drejtoreshës.
“Kush ka mundësinë të bisedojë me një mjek, e kupton menjëherë se të ashtuquajturat masa të qeverisë kundër koronavirusit te ri janë vetëm propagandë.
Më të pambrojturit janë mjekët. Deri kur ne bëmë publike të vërtetën se Qendrat Shëndetësore janë të papërgatitura, atje mungonin edhe masat më elementare.
Video e vërteton plotësisht këtë. Për fat të keq, Drejtoresha e Qendrës Shëndetësore nr.8 Blerta Berberi, provoi se është një militante partiake që në vend të shqetësohet për personelin mjekësor dhe qytetarët, u kërkon llogari mjekëve pse komunikojnë me opozitën për t’u thënë qytetarëve të vërtetën”, shkruan Spahia bashkëngjitur videos në fjalë.
