Emisioni “Stop” sjell sonte në mbrëmje rastin e rrëmbimit në Shqipëri të fëmijës 3 vjeçar nga i ati, një shtetas sirian. Ky i fundit, e mori të birin për pushime në gusht dhe e rrëmbeu, për të mos e kthyer më tek e ëma. “Stop” ka mësuar, se i mituri ka kaluar në plot 4 aeroporte bashkë me partneren e babait, pa u kontrolluar dhe i pa i hyrë gjemb në këmbë.
Fëmija ka fluturuar nga Tirana, në Prishtinë, Ljubljanë e më pas në Londër, ku ndodhet aktualisht. Pas provave të siguruara, “Stop” ka arritur të verë në lëvizje edhe Scotland Yard, në mënyrë, që fëmija i vogël, të kthehet te mamaja e tij në Shqipëri.
Pas veprimeve policore, pritet vetëm një formalitet nga Ministria e jashtme për të sjellë fëmijën në Tiranë. Për më shumë detaje mbi historinë e rrëmbimit të fëmijës, do të mësoni në emisionin e sotëm “Stop” në orën 20.10 në ekranin e TV Klan.
