Pas arrestimit të kreut të Bashkisë së Lezhës, i cili akuzohet për tjetërsim pronash ka patur sulme te koduara në adresë të kryeministri Edi Rama.
Nënkryetarja e bashkisë Lezhë, Alfrida Marku ka reaguar pas arrestimit të kryetarit të Bashkisë Fran Frrokaj dhe 22 zyrtarëve të tjerë me detyrë në hipotekë, kadastër si dhe topografë të cilët akuzohen për shpërdorim detyre.
Në një deklarate për mediat se sa herë që Rama dhe kriminelët që e duan Lezhën pa kundërshtar do të marrin përgjigjen sa herë që të përballen me të.
“Politikisht, kryeministri kriminel, kriminelët e tij në Lezhë dhe kriminelët që e duan Lezhën pa kundërshtar, do ta marrin përgjigjen sa herë të përballen në Lezhë dhe me qytetarët e saj të ndershëm.Ndryshe nga mandati i parë ku Rama i bënte presion prokurorisë dhe gjykatave duke i marrë dhe personalisht në telefon për të mos hetuar zyrtarët e partisë së tij të korruptuar dhe të lidhur me krimin, duke qenë kështu imunë për paprekshmërinë e tyre, tani me futjen në dorë të organit të akuzës kryeministri i kokainës, jo vetëm ka garantuar paprekshmërinë e të tijëve në pushtet vendor dhe qëndror, por ka nisur gjuetinë e shtrigave, presionin, dhunën e hakmarrjen politike ndaj zyrtarëve të Partisë Demokratike.Dhunimi i lirisë së Kryetarit dhe zëvendës kryetarit të Bashkisë Lezhë, dhe ndaj institucionit, si hakmarrje e presion politik dhe duke instrumentalizuar e dhunuar autoritetin e organeve të drejtësisë është skandaloze dhe e pajustifikueshme. Dëshmon se Shqipëria është në ekstremin e paligjshmërisë, dhunës për arsye politike dhe kriminalitetit të strukturuar, ideuar dhe mbrojtur nga Rama dhe të tijtë. Asnjë presion qeveritar, asnjë luftë politike nuk zbeh apo deformon autoritetin e asnjërit” thuhet në reagim.
