Lëvizja “Zgjohu Shqiptar” ka denoncuar ngritjen e bustit të një tjetër antishqiptari në Dropull.
Përmes një postimi në Facebook, Lëvizja ka denoncuar skandalin e radhës të grekëve të cilët kanë ngritur bustin e Vasil Shaihinit në këtë zonë.
“Pas denoncimit tre vite me parë të bërë nga Marin Mema si nja nga antishqiptaret me të mëdhenj, ditën e sotme Dervicani është gdhire më këtë akt vandal. TURP për një shtet që hesht dhe ku në ditën me diell behët gjithcka poshtëruese ndaj kombit tonë…”, thuhet në postimin e tyre.
Vasil Shahini njihet si themeluesi i Frontit Çlirimtar të Vorio Epirit. Kryeagjenti i Greqisë në Shqipëri që punoi për aneksimin e Jugut të Shqipërisë te Greqia.
Madje punën e tij anti-shqiptare e përmendin me krenari edhe dropullitët, të cilët në një faqe në facebook me emrin “Rinia vorioepirote”, kanë postuar videon e inagurimit të bustit.
Kujtojmë se para 2 vitesh gazetari Marin Mema denoncoi rastin e ngritjes së bustit të nacionalistit grek, Thimio Loli në Kranë të Delvinës.