Ish-kreu i FRPD-së, Belind Këlliçi, ka reaguar për herë të parë pas skandalit me të dhënat private, të qarkullimit të listës së pagave të punonjësve në shtet dhe privat në Shqipëri. Këlliçi, i cili është pjesë e grupit të Berishës, thekson se i gjithë sistemi është vendosur në funksion të patronazhimit socialist.
Për të, kjo nuk është gjë tjetër për të krijuar klimën e terrorit psikologjik, se shteti të njeh mjaft mirë. Në “Whatsapp” po shpërndahet një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën. Nëse lista që po qarkullon është e vërtetë, atëherë të dhënat personale të qytetarëve shqiptarë janë në rrezik.
Statusi
Dinë kë ke votuar, kë mund të votosh, nga do anosh; të gjurmojnë votën, dinë ku punon dhe sa e ke rrogën.
Tatimet, QKR, e-Albania, Shqipëria që duam, të gjitha në funksion të patronazhimit socialist.
Përdorin të dhënat personale për të krijuar klimën e terrorit psikologjik se shteti të njeh me rrënjë e dhëmballë.
Si qëmoti edhe tani, e njëjta mendësi kontrolluese diktatoriale. Pikërisht nga ai që do hapi Ballkanin me koka peshku. Si një pijanik tavolinash të fryra, që pasi i vishen sytë nga avujt e alkoolit, ia nis të diskutojë me pathos edhe për gjeopolitikën.
