UPDATE/Kryeministri Edi Rama bëri ditur se iu ka kërkuar agjencive të huaja të specializuara për të vërtetuar autenticitetin e audio-përgjimit të vëllait të ministrit të Brendshëm, Agron Xhafaj.
Duke folur krejt ironi kundrejt akuzave të opozitës, Rama dukej krejt i shpërfytyruar ndërsa akuzoi edhe mediat se si mund të publikonin audio-përgjimin e vëllait të Fatmir Xhafajt.
Edi Rama: Ky sekret mafioz u zbulua nga opozita jonë. Media nuk u kujtua dot se sa herë ishte publkikuar ky fakt. U publikua edhe në faqet e Facebookut të ministrave të BE-së.
Opozita zbuloi edhe këtë akt mafioz dhe mediat e publikuan këtë fakt kaq tronditës.
Mediat nuk bënë as verifikimin më të vogël. Ministri i brendshëm na qenka koka e mafies dhe familja mafioze. Dhe kjo mori dhenë në mediat tona dhe në mediat e huaja me lobimin e opozitës.
Nëse nuk do të kishte helmuar gjakun e shqiptarëve të ndershëm të cilët presin të tjera argumente nga PD. PD sulmoi një qeveri legjitime për të destabilizuar vetë qeverinë dhe për t’i thënë Evropës se vetë Ministria e Brendshëm është kupola e krimit dhe po ashtu Edi Rama është koka e krimit. Maskarada meriton një përgjigje shembullore në rrafshin politik dhe atë hetimor. Kam kërkuar nga një agjenci ndërkombëtare për mbledhjen e informacionit të disponueshëm dhe partnere për çdo indice të mundshme për vëllanë e ministrit të Brendshëm.
Po ashtu kam ndjekur edhe komentet e njerëzve në facebook që thonë se mos e lëshoni Fatmirin dhe Saimirin, e lëshove një ministër të brendshëm ndërkohë që Saliu nuk i ka lëshuar të tijtë…
Edi Rama nuk është shprehur ende për audio-përgjimin e publikuar nga PD, 2 ditë më parë. Por përmes një statusi në “Facebook”, vetë kryeministri, menjëherë pas kthimit nga Franca, lajmëroi se për këtë çështje do të flasë sot përpara grupit parlamentar socialist.
Mbledhja e grupit, e thirrur nga vetë kryetari socialist, do të mbahet në orën 11, në kryesinë e kuvendit. “Jemi të gjithë njësoj?JO, s’kemi qenë asnjëherë të gjithë njësoj e s’do jemi kurrë njësoj! Nesër në 11.00 përpara Grupit Parlamentar, qëndrimi im për situatën e krijuar me Ministrin e Brendshëm dhe ecurinë e përpjekjes diplomatike drejt objektivit historik të çeljes së negociatave”.
Ende nuk dihet në qoftë se vetë ministri i Brendshëm, Fatmir Xhafaj do të jetë apo jo në mbledhjen e grupit, pasi ende vetë ai nuk është shprehur përgjatë 48 orëve të fundit për audio-përgjimin, në të cilin sipas demokratëve është përfshirë i vëllai, si bashkëpunëtor në trafikun e drogës.
