Çështja e CEZ-it është një nga temat më të nxehta sa i përket humbjes financiare të shtetit shqiptar, por edhe betejat dhe numri i seancave gjyqësore të bëra për të. Duket se Çekia do të mbështesë, kryeprokuroren Arta Marku për të rihapur hetimet për CEZ-in.
Në këtë proces, sa i takon privatizimit janë vërejtur shumë parregullsi ligjore, ndërsa ka edhe persona të cilët dyshohet se janë përgjegjës për këtë. Në këtë dëm prej 414 milionë euro, që i është shkaktuar buxhetit të shtetit, mendohet se është i përfshirë ish-kryeministri Sali Berisha, bazuar në raportin e disa deputetëve të mazhorancës që mund të kenë përfituar nga kjo skemë korrupsioni.
Rihapja e hetimeve për ÇEZ-in, është mirëpritur nga ambasadori çek në Tiranë, Jaroslav Ludvai, i cili ka ofruar mbështetjen e tij Prokurores së Përgjithshme të Përkohshme, Arta Marku. Lajmi konfirmohet për TemA TV nga burime të sigurta pranë Prokurorisë së Përgjithshme, të cilat saktësuan se ambasadori Ludvai ka ofruar mbështetjen e plotë të shtetit çek përsa u përket hetimeve ndaj kompanisë në fjalë.
Mesdhjetorin e vitit të kaluar, Dhoma Penale e Gjykatas së Tiranës, pranoi kërkesën e kreut të grupit parlamentar të Partisë Socialiste Taulant Balla dhe ish-juristit të OSHEE-së, Romeo Karaj, për rihapje të hetimit për skandalin e CEZ.
Sipas tyre, në procesin e privatizimit janë vërejtur shumë shkelje, duke akuzuar si persona përgjegjës që nga ish-kryeministri Sali Berisha e deri tek ndërmjetësit, që sipas raportit të deputetëve të mazhorancës mund të jenë përfitues.
Sipas Ballës, dëmi i shkaktuar shtetit shqiptar është 414 milionë euro.Gjyqtari Lazer Sallaku vendosi rihapjen e hetimeve.Dosja për hetimin e privatizimit të OSHEE nga CEZ, do të rihetohet nga prokurori Ardian Braho.Atij i ka kaluar kjo dosje, pas hedhjes së shortit.
Hetimi për privatizimin e CEZ është ndjekur nga Alma Brati, por ajo vendosi që në mënyrë skandaloze, ta mbyllte dosje.Vendimi i Bratit u rrëzua nga Gjykata e Tiranës, e cila urdhëroi të kryhen hetimet dhe të merren në pyetje personat e kallëzuar nga ish-juristi i OSHEE, Romeo Karaj, dhe nga komisioni parlamentar për hetimin e CEZ.
Gjykata e Tiranës pranoi kërkesën e Kuvendit dhe të ish-juristit të OSHEE, Romeo Karaj, për të mos mbyllur hetimet për dosjen e privatizimit të OSSH te kompania çeke, CEZ.
Tashmë hetimet do vijojnë sipas raportit të dorëzuar nga Komisioni Hetimor.Dosja “CEZ” konsiderohet si një ndër dosjet më të nxehta hetimore, ku janë përfshirë politikanët më të rëndësishëm në vend dhe fëmijët e tyre.
