Futbolli i Paraguait ka marrë një tronditje të fortë edhe pse në një kategori inferiore. Ka qenë tronditës zbulimi i një historie dashurie mes një lojtari të Club Rubio Ñu (kategoria e katërt), Bernardo Gabriel Caballero, dhe presidentit Antonio Gonzalez.
Ka qenë vete futbolisti ai që ka publikuar një foto ku ishte në një krevat i shtrirë me presidentin, në momente intime. Një situatë kjo që ka shkaktuar zemërimin e Gonzalez, i cili ka publikuar një video ku gris kontratën e Caballero-s, duke e ftuar këtë të fundit ta harrojë botën e futbollit.
Por është e mundur që të bëhet fjalë për një trekëndësh dashurie që mund të ketë si protagonist menaxherin e Caballero. Në programin televiziv paraguaian “Hoy Paraguyan”, ai ka pranuar se është munduar ta bindë klientin e tij që të largohej nga Rubio Nu:
“Do të jem i sinqertë, Bernardo ishte shumë i rëndësishëm për mua, kishim një lidhje. Kishte privilegje të jashtëzakonshme, mund të udhëtonte me makina luksoze, të cilat nuk i kishte parë as në ëndërr”. Por tani, Caballero do të jetë i detyruar t’i thotë lamtumirë ekipit pasi presidenti nuk e ka pritur aspak mirë publikimin e historisë së tij me lojtarin.
