Aktivistët e LGBT-së kanë ndërmarrë një fushatë nëpër gjimnazet e Tiranës, duke organizuar ditë takimesh me nxënësit adoleshentë, për të diskutuar mbi bullizmin dhe të drejtat e komunitetit.
Siç shihet edhe në fotot e postuara në rrjetet sociale nga Xheni Karaj, aktiviste pranë këtij komuniteti, takimet janë bërë në gjimnazet “Sami Frashëri”, “Petro Nini Luarasi” dhe “Aleks Buda”, prej dhjetorit të vitit të kaluar e i fundit duket në 23 shkurt 2018.
Takime të tilla mund të quhen skandaloze, pikërisht për faktin se bëhen në ambientet e shkollave, ku u mësohet të rinjve për të drejtat e komunitetit të homoseksualëve.
Sot, ish-ministri i Drejtësisë, Ylli Manjani në një postim në rrjetet sociale, akuzoi Ambasadën Amerikane në Tiranë pasi sipas tij në këtë institucion po ju mësohen të rinjve martesat gay dhe legalizimi i drograve.Pas këtij postimi, ka reaguar aktivistiti i LGBT-së Kristi Pinderi i cili e ka quajtur Manjanin “të paditur”.
“Unë mund ta kuptoj bezdinë dhe parehatinë që mund të ketë Ylli ndaj gjërave që nuk i kupton si martesat gej. Por nuk kuptoj si vazhdon të jetë rehat me paditurinë e vet e ta shpallë atë botërisht? Çfarë fiton kur i thua botës sa shumë i paditur dhe injorant je?,” shkruan ai.
