FIFA ka paditur ish-presidentin e saj, Sep Blater, pasi ky i fundit akuzohet për parregullsi në lidhje me muzeun e ndodhur në shtëpinë e qeverisë së futbollit botëror në Zyrih të Zvicrës. Disa kontrata të dyshimta kanë sjellë një humbje miliona euroshe për institucionin më të rëndësishëm të futbollit.
FIFA reagoi dje duke thënë se: “Padia do të bëhet për projektin e hartuar nga Blater kur ishte president i FIFA-s. Bëhet fjalë për 500 milion franga zvicerane”, që në euro llogariten rreth 460 milionë.
Avokati i Blaterit, Lorenz Erni, i cilëson këto akuza si të pabaza. Muzeu në Zyrih ishte në kohën kur Blater ishte president në vitet 1998-2015, një nga projektet më të dashura të ish-presidentit.
Por, që nga hapja në 2016-ën, atëherë kur Blater u largua dhe deri tani, muzeu po i shkakton FIFA-s humbje të mëdha parash.
