Vazhdojnë kontestimet për votimet në Bashkinë e Vaut të Dejës, ku pas provave që PD-ja publikoi për falsifikim të fletëve të votimit, tani janë kapur edhe me një nga anëtaret e këtij këshilli.
Lestine Ndoja rezulton të jetë pjesë e anëtarëve në KZAZ-në e Vaut të Dejës, por njëkohësisht edhe anëtare e këshillit bashkiak për këtë zonë.
Në CV-në e saj, thuhet se ka punuar ekonomiste në biznes privat, por kur tregon kualifikimin, në vend që të përmendej arsimi i lartë, thuhet: “Aktivitete shoqërore dhe politike: anëtare e PS”.
“Vota e saj ka bërë shumicën prej 4 votash për marrjen e vendimeve në atë KZAZ, duke bërë të pavlefshëm çdo vendim të marrë”, thotë sekretari i Përgjithshëm i Partisë Demokratike Gazmend Bardhi.
