Drejtuesja e emisionit “Në kurthin e Piter Pan”, Alketa Vejsiu ka marrë një iniciativë të madhe, teksa ka premtuar se do i ndryshojë jetën një prej vogëlushëve më të spikatur të programit, Xheisonit.
Pak ditë më parë, Alketa publikoi pamje nga banesa e vogëlushit, i njohur si “taramelja”, ndërsa së fundmi ajo ka dhënë një super lajm. Thirrjes së saj për të dhuruar në mënyrë që Xheison të bëhet me një shtëpi të re, i janë bashkuar edhe shumë persona në Itali.
Lajmin e bën të ditur Alketa me anë të një videoje në Instagram, ku njofton se diçka e mrekullueshme do të ndodhë të hënën me historinë e Xheisonit.
“Diçka e mrekullueshme do të ndodhë të hënën me Historinë e @xheison.bafti_official. Edhe në Itali e kanë mësuar historinë e këtij djali. Pjesa më e madhe që kanë ndihmuar me donacionet e tyre janë emigrantë. S’kam fjalë”, shkruan moderatorja krahas videos së intervistës me gazetarin e njohur italian Gabriele Parpiglia.
