Ministri i Brendshëm, Sandër Lleshaj, me anë të një postimi në Twitter, njofton të gjithë qytetarët në lidhje me kartat e identitetit dhe pasaportave të cilat janë në prag të skadimit. Ai nënvizon se nga fillimi i tetorit ato që skadojnë këtë vit nuk do të mund të përdoren më, nëse nuk shoqërohen me dokumentin e aplikimit. Ndaj, qytetarët duhet të marrin masat, për të mos mbetur në mes të katër rrugëve.
“Kartat e identitetit dhe pasaportat janë në prag të skadimit për shumë qytetarë. Nga fillimi i tetorit ato që skadojnë këtë vit, nuk do të mund të përdoren më, nëse nuk shoqërohen me dokumentin e aplikimit.
Të gjithë duhet të NXITOJNË sot, që të mos BEFASOHEN nesër, kur të ndalohen për të udhëtuar jashtë vendit apo kur të mos mund të marrin një shërbim tjetër brenda tij”.
