Studentët e kanë ndarë mendjen, dhe nuk lëkunden aspak me kërkesat e tyre. Nga ana e tyre nuk do të ketë asnjë takim, dhe asnjë komunikim me kryeministrin Rama.
Pak më herët, shefi i qeverisë njoftonte se do të jetë drejtpërdrejt në rrjetin social, dhe për këtë ka ripërsëritur faktin se të gjithë studentët e interesuar janë të mirëpritur të diskutojnë për shqetësimin e tyre.
Studentët i kanë dorëzuar një listë me 8 kërkesa Ministrisë së Arsimit, dhe i kanë dhënë ultimatum deri të martën për plotësimin e të gjitha kushteve.
Ata kërkojnë përgjysmim të tarifave të shkollimit, kartë studentore me përfitime lehtësuese; komision në universitet që të mbrojë të drejtat e studentëve, etj.
