Në luftën ndaj koronavirusit, mësohet se Spanja ka liruar 11 hotele për të infektuarit. Këtë e ka konfirmuar Qeveria në një deklaratë, e cila ka thënë se të gjitha hotelet do të vihen në shërbim të pacientëve të infektuar me COVID-19.
Qeveria ka vënë në shërbim të të infektuarve 11 hotele në Madrid, për të shtruar 704 pacientë. Kjo masë e menjëhershme është ndërmarrë pasi në ambientet e spitalit nuk kanë më hapësirë.
“Qëllimi kryesor i këtyre hoteleve është të ofrojnë shërbime për pacientët e prekur me COVID-19, por nuk mund të vazhdojnë karantinën në shtëpitë e tyre, për arsye familjare ose sociale“, thuhet në deklaratë.
Spanja është vendi i dytë në botë i prekur nga koronavirusi me 9.053 viktima dhe 102.136 të infektuar.
